Ордабасы ауданында «Заң мен тәртіп» идеологиясын насихаттау аясында Ш.Уәлиханов атындағы мектеп-гимназиясында полиция қызметкерлері «Жас сақшылар» сыныбымен кездесті.
Кәмелетке толмағандар арасындағы құқықбұзушылықтың, буллинг пен интернет-алаяқтықтың алдын алу мәселелері талқыланып, оқушыларға есірткіге қарсы бейнеролик көрсетілді.
Полиция полковнигі Нүркен Сарыпбеков жас ұрпақты заңды құрметтеуге, тәртіп пен әділдікті серік етуге шақырды. Ал ардагер полицей Ғалымжан Сыздықов өз өмірлік тәжірибесімен бөлісіп, елге адал қызмет етудің маңызын атап өтті.
Түркістан облысы ПД баспасөз қызметі
