Киберқылмысқа қарсы іс-қимыл басқармасы бастығының міндетін атқарушы Ермек Шәкімнің басшылығымен өңірдегі білім беру саласының қызметкерлеріне арналған интернет алаяқтықтың алдын алу бойынша маңызды кездесу өтті.
Ұйымдастырылған шараға облыс аумағындағы 938 білім беру ұйымының қызметкерлері “zoom” арқылы қатысты.
Жалпы жиынға 4 мыңнан астам педагог пен 3 мыңнан аса ата-ана қосылып, өзекті тақырып төңірегінде пікір алмасты.
Онлайн-кездесуде полицейлер интернет алаяқтықтың кең тараған түрлері мен олардың жасалу тәсілдерін және жеке деректерді қорғаудың тиімді жолдары жайлы түсіндірді.
Сондай-ақ онлайн төлемдер жасау кезінде сақтық шараларын сақтау, күмәнді сілтемелер мен хабарламаларға сенбеу, бейтаныс тұлғаларға банк картасы мен деректерін бермеу жөнінде кеңес айтты.
Түркістан облысы ПД баспасөз қызметі
