Келес ауданы №44 «Сырдария» жалпы білім беретін мектебінде жас сақшылармен кездесу өтті. Кездесуге аудандық полиция бөлімі бастығының орынбасары С.Отыншиев пен полиция майоры Ш.Рахматилла, сондай-ақ Келес аудандық білім бөлімі өкілдері қатысты.
Іс-шара барысында жас сақшылардың сапқа тұру деңгейі мен сырт келбеті, нышандары мен киім үлгісі тексеріліп, саптық дайындықтары бағаланды. Сонымен қатар оқушыларға ішкі істер органдары қызметкерлерінің форма кию ережелері мен қызметтік этикасына қатысты түсіндірме жұмыстары жүргізілді.
Жиын соңында жас сақшыларға өз мамандықтарына деген қызығушылықтарын арттыруға бағытталған бейнематериал көрсетіліп, алдағы жоспарлар талқыланды.
Түркістан облысы ПД баспасөз қызметі
