25 қазан – Республика күніне орай Сайрам ауданы полиция басқармасының ұйымдастыруымен салтанатты шеру өткізілді.
Іс-шараға аудан әкімінің орынбасары Сержан Дауылбайұлы, аудан прокуроры Б. Байгозиев, ішкі істер органдарының ардагерлері, Ауған және Таулы Қарабах соғысының ардагерлері, әскери қызметкерлер мен “Жас сақшы” полиция сыныбының оқушылары қатысты.
Салтанатты шара барысында сап түзеген жас буын мен ардагерлерге құрмет көрсетіліп, 30-ға жуық қызметкері Алғыс хаттармен марапатталды. Сонымен қатар ішкі істер органдарының ардагерлеріне ҚР Ішкі істер министрлігінің атынан Алғыс хаттар табыс етілді.
Шара соңы концерттік бағдарламамен жалғасып, салтанатты шерумен қорытындыланды. Мұндай шаралар патриоттық рухты көтеріп, елге адал қызмет етудің маңызын арттыруға ықпал етеді.
Түркістан облысы ПД баспасөз қызметі
