Түркістан қаласы Полиция басқармасының жеке құрамы халық қаһарманы, полиция капитаны Ғазиз Байтасовтың ерлігіне арналған “Капитан Байтасов” көркем фильмін тамашалады. Бұл туралы Түркістан облысы ПД баспасөз қызметі.
Көрсетілімнің басты мақсаты – ішкі істер органдары қызметкерлерінің патриоттық рухын көтеріп, құқықтық, кәсіби жауапкершілікті арттыру елге адал қызмет етудің маңызын дәріптеу және ерлік пен батырлықтың өнегесін үлгі ету.
Фильмде 2011 жылы Тараз қаласында террорлық әрекет кезінде қаза тапқан полиция капитаны Ғазиз Байтасовтың ерлігі бейнеленген. Ол өз өмірін тәуекелге тігіп, бейбіт тұрғындардың өмірін сақтап қалды. Батырдың қайсарлығы мен Отан алдындағы адалдығы – бүгінгі тәртіп сақшылары үшін нағыз үлгі.
Осындай тәрбиелік маңызы зор іс-шаралар полиция қызметкерлерінің рухын нығайтып, қоғам алдындағы борыш пен жауапкершілікті терең сезінуге, ел қауіпсіздігін қамтамасыз етудегі адал еңбектің мәнін түсінуге жол ашады.
