Мақтаарал ауданының Атакент кентіндегі орталық ауруханада аудандық полиция бөлімі қызметкерлері интернет алаяқтықтың түрлері мен жасалу тәсілдері туралы түсіндірме жұмыстарын жүргізді.
Кездесу барысында мамандар тұрғындарға киберқылмыстардың алдын алу, жеке деректерді қорғау және күмәнді сілтемелер мен сайттарға кірмеу қажеттігі жөнінде жан-жақты ақпарат берді. Сонымен қатар нақты мысалдар келтіре отырып, интернет кеңістігінде қауіпсіздік ережелерін сақтау маңыздылығы түсіндірілді.
Іс-шараның басты мақсаты – азаматтардың интернеттегі қауіпсіздігін арттыру, кибералаяқтықтың алдын алу және тұрғындардың құқықтық сауаттылығын көтеру болды. Осындай профилактикалық жұмыстар тұрғындардың сақтық мәдениетін қалыптастыруға және қылмыстың алдын алуға оң әсерін тигізеді.
Түркістан облысы ПД баспасөз қызметі
