«Сұлтанмахмұт Торайғыровтың шығармашылығы – ұлтжандылық пен азаматтықтың айқын үлгісі. Ақынның өлеңдері мен публицистикалық мұрасы адамды рухани дамуға жетелейтін баға жетпес қазына саналады.
Осыған орай Түркістан облысының полицейлері ақынның 132 жылдығына орай оның шығармашылығын дәріптеуге арналған рухани шара ұйымдастырды. Тәртіп сақшылары С.Торайғыровтың өлеңдерін жатқа оқып, мұражайлардағы жәдігерлермен танысып, ұлттық құндылықтарға құрмет көрсетті» деп хабарлайды habarlike.kz Түркістан облысы ПД баспасөз қызметіне сілтеме жасап.
Мәселен, Түлкібас аудандық полиция бөлімінің учаскелік инспекторы Гүлбану Есенқұлова С.Торайғыровтың «Шәкірт ойы» өлеңін мәнерлеп оқып, ақын туындысында көрініс тапқан қоғамдағы өзекті мәселелер мен өмір шындығын терең сезіммен жеткізді.
Полицейдің айтуынша, Сұлтанмахмұт Торайғыров өз заманының көкейкесті тақырыптарын өткір тілмен бейнелеп, халықтың мұң-мұқтажын өлең арқылы жеткізе білген.
