Түркістан облысы Полиция департаментінің бастығы Мұрат Қабденовтің тапсырмасымен жол апаттарының алдын алу бағытында аптаның демалыс күндері бір нүктелік рейд өткізіліп отырады. Кезекті профилактикалық шара Арыс, Отырар, Ордабасы, Бәйдібек, Төлеби және Сайрам аудандарында ұйымдастырылды.
Тәртіп сақшылары жол ережесін бұзған, қауіпсіздік белдігін тақпаған, қарсы қозғалыс жолағына шыққан, жылдамдықты шамадан тыс асырған көлік иелерін жауапқа тартып, түсіндірме жұмыстарын жүргізді.
Полицейлер жүргізген жедел шаралардың нәтижесінде жол саласы бойынша 147 әкімшілік құқық бұзушылық анықталып, 29 автокөлік айыптұраққа қойылды.
“Заң мен тәртіп” қағидаты аясындағы шаралар одан әрі жалғасады.
Түркістан облысы ПД баспасөз қызметі
