Шолаққорған ауылында «Отбасын қолдау орталығы» КММ және Жастар ресурстық орталығының бірлесуімен «Отбасы – бақыт мекені» атты семинар-тренинг ұйымдастырылды.
Семинарға «Отбасын қолдау орталығының» мамандары мен психологтары қатысып, келесі бағыттар бойынша түсіндіру жұмыстары жүргізілді. Шарада мамандар жаңа заңнамалық өзгерістер туралы ақпарат беріп, зорлық-зомбылықтың алдын алу тетіктерін түсіндірді. Психологтар тренинг өткізіп, ойын элементтері арқылы отбасы құндылықтарының маңызын жеткізді.
Іс-шараға аудандық полиция бөлімінің Қоғамдық қауіпсіздік бөлімінің әйелдерді зорлық-зомбылықтан қорғау жөніндегі инспекторы Айжан Манапова және полиция аға лейтенанты Жәнерке Жұматова қатысты. Жиын Жастар ресурстық орталығының ғимаратында өтті.
Сондай-ақ шара соңында қатысушылар белсенділік танытып, пікірлерімен бөлісіп, ұйымдастырушыларға алғыс білдірді.
А.Мамыр.
