Мақтаарал ауданы аумағында қылмыстың, құқықбұзушылықтар мен жол-көлік оқиғаларының алдын алу мақсатында бір нүктелік алдын алу шарасы ұйымдастырылды.
Іс-шара барысында тәртіп сақшылары «Учаске» және «Қауіпсіз жол» жедел-профилактикалық іс-шараларына, сондай-ақ «Таза Қазақстан» экологиялық акциясына ерекше назар аударды. Сонымен қатар есепте тұрған азаматтардың тұрмыс жағдайлары мен олардың қоғамға қауіптілік деңгейін анықтау бағытында жұмыстар жүргізілді. Осы ретте 150-ге жуық есептегі тұлғаның тұрғылықты мекенжайы тексерілді.
Рейд кезінде жүргізушілер арасында да түсіндіру жұмыстары өткізіліп, жол қозғалысы ережелерінің маңыздылығы түсіндірілді. Нәтижесінде 80-ге жуық әкімшілік құқықбұзушылық анықталып, оның ішінде жол тәртібін бұзған 45 жүргізуші жауапкершілікке тартылды. Сонымен қатар 11 автокөлік айыптұраққа қойылды.
Мақтаарал аудандық полиция бөлімінің қызметкерлері қоғамдық тәртіп пен жол қауіпсіздігін қамтамасыз ету бағытындағы жұмыстарды жүйелі түрде жалғастыра береді.
Түркістан облысы ПД баспасөз қызметі
