Елімізде жыл сайын өтетін «Зорлық-зомбылықсыз 16 күн» республикалық акциясы аясында Созақ ауданы полиция бөлімінің Қылмыстық-құқық бұзушылықтың алдын алу тобының Әйелдерді зорлық-зомбылықтан қорғау жөніндегі инспекторы Айжан Манапова оқушыларға арналған түсіндіру шарасын ұйымдастырды.
Шара барысында мамандар оқушыларға тұрмыстық зорлық-зомбылықтың түрлері, оның құқықтық салдары, қауіпсіздік шаралары және көмек алу жолдары туралы жан-жақты ақпарат берді. Жасөспірімдерді өз құқықтарын білуге, қиын жағдайға тап болғанда уақытылы көмек сұрауға және зорлық-зомбылықты көрген адамдарға бей-жай қарамауға шақырды.
Акцияның жалғасы ретінде мектеп оқушылары арнайы флешмоб ұйымдастырып, зорлық-зомбылыққа қарсылық пен қауіпсіз қоғам құруға деген белсенді ұстанымдарын көрсетті.
Түркістан облысы ПД баспасөз қызметі.
