Полицейлер Түркістан қаласында қоғамдық көлік жүргізушілерінің жол қозғалысы ережелерін сақтауын бақылау және қауіпсіздік деңгейін арттыру мақсатында рейдтік іс-шара ұйымдастырды.
Іс-шара барысында 20-ға жуық жүргізушінің қозғалыс кезінде қауіпсіздік белдігін тақпағаны және ұялы телефон қолданғаны анықталды.
Аталған құқықбұзушылықтар бойынша жүргізушілерге қатысты шаралар қабылданды. Жүргізушілерге жолаушылардың қауіпсіздігін қамтамасыз ету үшін жол қозғалысы ережелерін қатаң сақтау қажеттігі ескертілді.
Түркістан қаласы Полиция басқармасы «Қауіпсіз жол» іс-шарасы аясында жол ережелерін сақтамау адам өміріне қауіп төндіретінін ескертіп, барлық жүргізушілерді көлік басқару кезінде сақтық шараларын қатаң ұстануға шақырады.
Түркістан облысы ПД баспасөз қызметі
