Түркістан облысында «Заң мен Тәртіп – қоғам негізі» тақырыбында дөңгелек үстел өтті.
Іс-шараның мақсаты- қоғамдағы тәртіп пен қауіпсіздік деңгейін арттыру, азаматтардың құқықтарын қорғау және құқықтық сауаттылықты жетілдіру және жастар арасында құқықтық білімді насихаттау болып табылады.
Спикер ретінде облыс прокурорының кәмелетке толмағандар бойынша аға көмекшісі Ерарыс Жолбарыс қатысып, пробациядағы азаматтардың және есепте тұрған жасөспірімдердің құқықтық сауаттылығын арттыру, заң талаптарын сақтау мәдениетін қалыптастыру, құқық бұзушылықтың алдын алу, сондай-ақ оларды қоғамға бейімдеу және жауапкершілікке тәрбиелеу бағытында сөз сөйледі.
Аталған шараға облыс әкімдігі, тиісті салалық басқарма басшылары, құқық қорғау органдарының қызметкерлері, ардагерлер ұйымының өкілдері және қала тұрғындары қатысып, пікір алмасты.
