Түркістан облысында полиция құқықтық тәртіпті қамтамасыз ету бойынша іс-шаралар жүргізуде. Осы орайда қоғамдық тәртіпті қамтамасыз ету, құқық бұзушылықтар мен жол қауіпсіздігінің алдын алу мақсатында Қазығұрт ауданы аумағында рейдтік-профилактикалық іс-шарасы өткізілді. Бұл туралы habarlike.kz Түркістан облысы ПД баспасөз қызметіне сілтеме жасап хабарлайды.
Қазығұрт ауданы полиция бөлімі бастығының орынбасары Н.Нарбаев атап өткендей, мұндай іс-шаралар құқық бұзушылықтың алдын алу және азаматтардың құқықтық мәдениетін арттыруға бағытталған.
Өз кезегінде полиция жолдарда құқық бұзушылықтардың алдын алу және қауіпсіздікті нығайту, құқық бұзушылықтарды қамтамасыз ету бойынша профилактикалық және ақпараттық-түсіндіру жұмыстарын жүргізуді жалғастыруда.
«Рейд барысында полиция қызметкерлері 76 құқық бұзушылықты анықтады, олар бойынша тиісті әкімшілік хаттамалар толтырылды.
Жол қозғалысы ережелерін сақтауға ерекше назар аударылды. Нәтижесінде айыптұраққа 7 көлік құралы қойылды. Сонымен қатар тәртіп сақшылары 100-ден астам жүргізушіге жол қозғалысы ережелерін, жылдамдық режимін және жолдардағы қауіпсіздікті сақтаудың маңыздылығы туралы түсіндірме жүргізді» делінген баспасөз хабарламасында.
