«Қалың қалай бастауыш ұйым?» акциясы аясында «Түркістан облысы кәсіподақтар орталығы» аумақтық кәсіподақтар бірлестігінің төрағасы Бердіғали Өмірәлі Түркістан облысындағы тігін цехтарының бірінде өндіріс қызметкерлерімен кездесу өткізді.
Іс-шараның басты мақсаты – бастауыш кәсіподақ ұйымының жұмыстырымен танысу, олардың қызметінің тиімділігін арттыру және жұмысшылардың құқықтарын қорғау жолдарын көрсету болды.
Кездесу барысында Бердіғали Өмірәлі жұмысшылардың мүддесін қорғауда кәсіподақтың рөлі ерекше екенін атап өтіп, бастауыш кәсіподақ ұйымдарының белсенділігін арттырудың маңыздылығын айтты. Ол сондай-ақ, кәсіподақ мүшелеріне заңдық кеңестер беріп, олардың еңбек құқығын қорғаудағы мүмкіндіктерін түсіндірді.
Сонымен қатар жиында еңбек қауіпсіздігі ережелерін сақтау, жұмыс орнында жазатайым оқиғалардың алдын-алу жолдары да қарастырылды.
Кездесу соңында қызметкерлер ұйымдастырылған шара үшін өз ризашылықтарын білдіріп, осындай кездесулердің өзара түсіністік пен әріптестікті нығайтуға үлкен септігін тигізетінін атап өтті.
