Ғ.Мұратбаев атындағы жалпы білім беретін мектепте ата-аналарға арналған ақпараттық жиын болып өтті. Кездесуге Созақ аудандық полиция бөлімінің әйелдерді зорлық-зомбылықтан қорғау инспекторы Айжан Манапова мен «Отбасын қолдау орталығы» КММ-нің маманы Айжан Манабаева қатысып, көрсетілетін көмек түрлері туралы ақпарат берді.
Іс-шарада тұрмыстық зорлық-зомбылықтың түрлері, оның алдын алу жолдары, балалардың қауіпсіздігі, психологиялық қолдау көрсету тәсілдері және құқықтық жауапкершілік мәселелері түсіндірілді. Сондай-ақ ата-аналардың құқықтық сауаттылығын арттыруға бағытталған кеңестер ұсынылды.
Жиын барысында ата-аналар өз сұрақтарын қойып, маңызды мәліметтер алды. Мұндай кездесулер отбасындағы өзара құрмет пен қауіпсіздікті нығайтуға, балалардың құқықтарын қорғауға ықпал етеді.
Түркістан облысы ПД баспасөз қызметі
