Әлеуметтік қызметтер порталы (ӘҚП) — мүгедектігі бар азаматтарға оңалтудың техникалық құралдары мен әлеуметтік қызметтерді ыңғайлы форматта алу мүмкіндігін беретін цифрлық платформа.
Соңғы уақытта порталда сыныптауыш талаптарына сай келмейтін тауарлар мен қызметтер, сондай-ақ күмәнді ұсыныстар анықталуда. Азаматтардың құқықтарын қорғау мақсатында төмендегі ақпаратты назарға ұсынамыз:
Сапасы талапқа сай келмейтін тауарлар мен қызметтер
Кейбір жеткізушілер стандартқа сай келмейтін өнім ұсынуда. Бұл азаматтардың қажеттілігін толық қамтамасыз етпеуге және бюджет қаражатының тиімсіз жұмсалуына әкелуі мүмкін.
Алаяқтық белгілері бар жағдайлар
Келесі күмәнді әрекеттерге назар аударыңыз:
- нарықтағы бағадан тым қымбат немесе керісінше өте арзан ұсыныстар;
- жалған сипаттамалар беру;
- жеткізу мерзімдерін қасақана созу;
- келісімшарт талаптарын орындамау;
- жеке деректерді заңсыз пайдалану.
Күмәнді жағдайларды байқасаңыз, дереу уәкілетті органға немесе құқық қорғау органдарына хабарласыңыз.
Тараптардың жауапкершілігі
Жеткізушілер — бекітілген талаптарды сақтау, сапалы өнім ұсыну, жалған ақпарат бермеу.
Азаматтар — порталдағы ақпаратты мұқият зерделеу, күмәнді ұсыныстар туралы Комиссияға хабарлау, тек ресми арналарды пайдалану.
Талап бұзылған жағдайда қолданылатын шаралар:
- жеткізушіні порталдан шектеу немесе толық алып тастау;
- шартты бұзу;
- әкімшілік немесе қылмыстық жауапкершілікке тарту.
Әр азаматтың қауіпсіздігі мен құқығын қорғау — басты мақсат. Сапасыз немесе күмәнді ұсыныстарды көрсеңіз, бірден хабарлаңыз.
Түркістан облысының Жұмыспен қамту және әлеуметтік бағдарламалар басқармасы.
