25 қазан — Республика күніне қарсы Отырар аудандық полиция бөлімінде салтанатты жиын ұйымдастырды. Іс-шара «Ардагерлердің өмір жолы – жас ұрпаққа тағылым» тақырыбында ұйымдастырылып, онда аудандық полиция бөлімі бастығының орынбасары Медетбек Бурибековті зейнеткерлікке шығарып салу рәсімі өтті.
Сонымен қатар, бірқатар қызметкерлер аудандық полиция бөлімінің бастығының алғыс хаттарымен марапатталды.
Жиынға полиция ардагерлері – ардагерлер кеңесінің төрағасы Жұмахан Әбдіқадырұлы, сондай-ақ Серікжан Намаев, Алтынбек Айтбенов, Уалихан Диханбаев, Берік Аманбаев пен басқа да ардагерлер қатысып, қызметкерлерді Республика күнімен құттықтап, ізгі тілектерін білдіріп, өмірлік тәжірибелерімен бөлісті.
Түркістан облысы ПД баспасөз қызметі