Түркістан қаласы Полиция басқармасы бастығының орынбасары Нұрдәулет Тағай учаскелік полиция инспекторларының қызметіне талдау жүргізді.
Тексеру барысында интернет алаяқтық қылмыстарының алдын алу бағытында атқарылып жатқан жұмыстар мен тіркеу журналдарының толтырылу сапасы бағаланды. Сонымен қатар, азаматтар арасында түсіндіру және профилактикалық іс-шараларды ұйымдастыру деңгейіне назар аударылды.
Бұдан бөлек, инспекторлардың қызметтік автокөліктерінің техникалық жай-күйі тексеріліп, қауіпсіз пайдалану талаптарының сақталуы қадағаланған.
Нұрдәулет Тағай интернет қылмыстарының алдын алу бағытындағы профилактикалық жұмыстарды жандандыруды тапсырды.
Талдаудың негізгі мақсаты – азаматтардың қауіпсіздігін қамтамасыз етіп, құқық бұзушылықтардың алдын алуда учаскелік полиция қызметінің тиімділігін арттыру.
Түркістан облысы ПД баспасөз қызметі
