Түркістан облысының Жетісай аудандық сотында дәрменсіз күйде болған адамға қасақана орташа ауырлықтағы дене жарақатын келтіру және азаптау (ҚР ҚК 110-бабы 2-бөлігінің 1) тармағы) бойынша айыпталған С.-ғақатысты қылмыстық іс қаралды (ҚР ҚК 107-бабы 2-бөлігінің 3) тармағы).
Сотпен анықталғаны:
Сотталушы С. 2020 жылдан бері денсаулығы нашарлап, қозғалуында қиындықтары болған 70 жастағы әкесін жүйелі түрде ұрып-соққан. Салдарынан жәбірленуші физикалық және психикалық азап шегіп, денсаулығына орташа ауырлықтағы зиян келтірілген.
Сотталушының кінәсі өзінің түсініктемелерімен, куәлардың айғақтарымен, аудио-бейне материалдармен, сондай-ақ сот-медициналық сараптамалардың қорытындыларымен толық дәлелденді (алынған жарақаттар орташа ауырлықтағы дене жарақаты ретінде сараланып, өліммен тікелей себептік байланысы жоқ).
Соттың шешімі:
ҚР ҚК 107-бабы 2-бөлігінің 3) тармағы бойынша 3 жылға дейін бас бостандығынан айыру жазасы көзделген.
ҚР ҚК 110-бабы 2-бөлігінің 1) тармағы бойынша 4 жылдан 7 жылға дейін бас бостандығынан айыру жазасы қарастырылған.
Сот жаза тағайындау кезінде жеңілдететін мән-жайларды: бұрын сотталмағаны, кінәсін мойындауы және өкініш білдіруі, кәмелетке толмаған балаларының болуын ескерді. Ауырлататын мән-жайлар анықталмаған.
Сот үкімімен С.-ға түпкілікті жаза ретінде 5 жыл мерзімге бас бостандығынан айыружазасы тағайындалды.
Үкім заңды күшіне енген жоқ.
Түркістан облыстық сотының Баспасөз қызметі
