Төлеби ауданында «Зорлық-зомбылықсыз балалық шақ» тақырыбында оқушыларға арналған қызықты түсіндіру шарасы өтті.
Полиция қызметкері Жанар Тураханова балаларға зорлық-зомбылықтың түрлері мен қауіп туындаған жағдайда қалай әрекет ету керегін түсіндіріп, көмек сұраудың маңыздылығын айтты. Сондай-ақ, балаларға зорлық белгілерін ерте тануға арналған кеңестер мен жаднамалар таратылды. Оқушылар алған ақпараттарын ата-аналары мен достарымен бөлісуге шақырылды.
Іс-шара барысында балалар өз түсініктерін сурет арқылы бейнелеп, топ алдында қорғады. Бұл олардың ойлау қабілетін дамытып, шығармашылық тұрғыдан мәселені қабылдауға мүмкіндік берді.
Түркістан облысы ПД баспасөз қызметі
