Аталған жиналысты бөлім бастығы ашып, өткен кезеңдегі бөлімнің жалпы көрсеткіштері мен атқарылған жұмыстарға жан-жақты талдау жасады. Баяндамалар барысында қылмыстың алдын алу, қоғамдық тәртіпті сақтау, жол қозғалысы қауіпсіздігін қамтамасыз ету және құқық бұзушылық профилактикасы бағытындағы іс-шаралардың нәтижелері қаралды.
Сонымен қатар қызметкерлердің өздеріне жүктелген міндеттерді орындау деңгейі мен тәртіптік ахуалға да назар аударылды.
Кентау қаласының бас полицейі өз сөзінде азаматтардың қауіпсіздігін қамтамасыз ету — әр қызметкердің басты борышы екенін атап өтіп, алдағы уақытта да халықпен тығыз байланыста жұмыс істеуді тапсырды.
Сондай-ақ жиналыс барысында үздік қызметкерлердің еңбегі атап өтіліп, олардың жауапкершілік пен кәсіби шеберлікті арттыруға қосқан үлесі жоғары бағаланды.
Түркістан облысы ПД баспасөз қызметі
