«Төлеби ауданында кәмелетке толмағандар арасындағы құқық бұзушылықтың алдын алу, олардың қауіпсіздігін қамтамасыз ету және профилактикалық жұмыстың тиімділігін арттыру мақсатында «Жасөспірім» жедел-профилактикалық іс-шарасы өткізілуде» деп хабарлайды habarlike.kz. Түркістан облысы ПД баспасөз қызметіне сілтеме жасап.
Іс-шара аясында аудандық полиция бөлімінің қызметкерлері рейдтік және түсіндіру жұмыстарын ұйымдастырды. Нәтижесінде түнгі уақытта заңды өкілінсіз жүрген 20-ға жуық жасөспірім анықталып, олардың ата-аналарына қатысты әкімшілік шара қолданылды.
Сонымен қатар кәмелетке толмағандарға белгіленген уақыттан кейін қызмет көрсеткен кәсіпкердің де жауапкершілігі қаралды.
