Қазіргі таңда интернет алаяқтық фактілері жиілеп, азаматтардың мүлкі мен жеке деректеріне қауіп төндіруде. «Осыған байланысты Жетісай аудандық полиция бөлімінің учаскелік инспекторлары тұрғындар арасында түсіндіру және алдын алу жұмыстарын жүйелі түрде жүргізіп келеді» деп хабарлайды habarlike.kz Түркістан облысы ПД баспасөз қызметіне сілтеме жасап.
Полиция қызметкерлері халық көп жиналатын орындарда — базарлар мен сауда нүктелерінде, мекемелерде және көшелерде түсіндіру шараларын өткізді. Кездесу барысында тұрғындарға арнайы дайындалған үнпарақтар таратылып, интернет арқылы жасалатын алаяқтықтың түрлері мен одан сақтану жолдарын түсіндірді.
Сондай-ақ азаматтарға бейтаныс адамдарға банк картасының нөмірі мен құпия кодтарын бермеу, күмәнді сілтемелерге өтпеу, тек ресми қосымшалар мен сайттарды пайдалану, сондай-ақ онлайн төлем кезінде растау кодтарына мұқият болу қажеттігі ескертілді.
