6 желтоқсан – Қазақстан Республикасының Прокуратура күніне орай Түркістан облысының прокуратурасында құқық қорғау және мемлекеттік органдардың басшылары, прокуратура ардагерлері және жеке құрамның қатысуымен салтанатты іс-шара өтті.
Іс-шара барысында облыс прокуроры Мұрат Тлеубердиев сөз сөйлеп, прокуратураның заңдылық пен әділеттілікті қамтамасыз етудегі маңызды рөліне тоқталды. Сондай-ақ қызметкерлердің қоғамдағы тәртіп пен азаматтардың құқықтарын қорғаудағы еңбегіне жоғары баға беріп, өңірде «Заң мен Тәртіп» қағидатын нығайту бағытында атқарылған жұмыстар мен өткізілген форумдардың нәтижелерін атап өтті.
Кәсіби мерекеге орай бірқатар прокуратура қызметкерлері қызметтік міндеттерін адал атқарып, жоғары нәтижелерге қол жеткізгені үшін марапатталды.
Салтанатты жиын мерекелік концерттік бағдарламамен аяқталып, қатысушыларға ерекше әсер мен көтеріңкі көңіл-күй сыйлады.
Р. Сабыр.
