Сайрам аудандық пробация қызметінің есебінде тұрған азаматтарды жұмыспен қамту және олардың қоғамға қайта бейімделуін қамтамасыз ету мақсатында бүгін ауданда маңызды әлеуметтік серіктестік шарасы өткізілді.
Іс-шараға облыс прокуратурасының басқарма бастығы Н. Асқанбеков, Сайрам ауданының әкімі М.Оразалиев, аудан прокуроры Б.Байгозиев, аудандық пробация қызметі және өңірдің ірі кәсіпкерлері қатысты.
Кездесу нәтижесінде тараптар бесжақты серіктестік меморандумына қол қойды.
Меморандумның негізгі мақсаты – жаза өтеуші азаматтарды тұрақты жұмыспен қамтуға жағдай жасап, олардың еңбекке орналасуына жәрдемдесу, кәсіптік дағдыларын дамыту және әлеуметтік тұрғыдан толыққанды қоғам өміріне қайта бейімделуін қамтамасыз ету.
Бұл серіктестік аудандағы пробация қызметінің тиімділігін арттырып қана қоймай, жұмыссыздықтың азаюына, әлеуметтік тәуекелдердің төмендеуіне және қауіпсіз қоғам қалыптастыруға елеулі ықпал етеді деп күтілуде.
П. Рақым.
