«Заң мен Тәртіп» қағидаты аясында Түлкібас ауданы әкімдігінің мәжіліс залында пробация есебіндегі азаматтармен кездесу өткізілді.
Кездесуде облыс прокуратурасының үкімдердің орындалуын қадағалау басқарма бастығы Асқанбеков Нұрғали Шекербекұлы, аудан прокуроры Қожабеков Ержан Базарбекұлы және пробация бөлімі мен мансап орталығының басшылары қатысып, әлеуметтік қолдау мүмкіндіктері мен қайта қылмыстарды болдырмау мақсатында профилактикалық түсіндірме жұмыстары жүргізілді.
Бұдан бөлек жиынға төрағалық етуші Н.Ш.Асқанбеков пробация есебіндегі азаматтарға әлеуметтендіру мақсатында мемлекет тарапынан көрсетілетін қайтарымсыз гранттар, жеңілдетілген несиелер, жұмыс орындарын субсидиялау сияқты қолдауларды түсіндіріп, арнайы әзірленген жадынамалар таратылды.
Кездесуде мансап орталығымен жұмыссыз азаматтарға жұмыс орындары ұсынылып, жолдамалар берілді.
А. Асан.
