Түркістан қаласында «Қауіпті жүргізуші» жедел-профилактикалық іс-шарасы аясында жол қозғалысының қауіпсіздігін қамтамасыз ету бағытында жүйелі жұмыстар жүргізілуде.
Полиция қызметкерлері тәулік бойы күшейтілген режимде қызмет атқарып, көліктерге тұрақты бақылау жүргізуде. Тексеру барысында жылдамдықты асыру, қарсы жолаққа шығу, мас күйінде көлік басқару және құжатсыз жүру сияқты құқықбұзушылықтарға ерекше көңіл бөлінуде.
Сонымен қатар жүргізушілер арасында жол қауіпсіздігінің маңыздылығы туралы түсіндіру жұмыстары мен ақпараттық-профилактикалық шаралар ұйымдастырылуда. Іс-шара алдағы уақытта да жалғасатын болады.
Түркістан облысы ПД баспасөз қызметі
