«Полицейлер ұзақ жылдар бойы жол жүрісі қағидаларын бұзбай жүрген жүргізушілерді марапаттады» деп хабарлайды Түркістан облысы ПД баспасөз қызметі.
Сарыағаш аудандық полиция басқармасының қызметкерлері жүргізушілер арасында жол қозғалысы мәдениеті мен тәртібін арттыру, Қазақстан Республикасының жол жүрісі қағидаларын сақтау, құқық бұзушылықтар мен жол-көлік оқиғаларының алдын алу мақсатында «Үлгілі жүргізуші» атты іс-шара ұйымдастырды.
Онда ұзақ жылдар бойы жол жүрісі қағидаларын бұзбай, өз тәртібі мен жауапкершілігі арқылы өзгеге үлгі көрсетіп жүрген жүргізушілер анықталып, арнайы «Алғыс хаттармен» марапатталды. Полиция қызметкерлері олардың бұл бағыттан таймай, әрі қарай да жоғары азаматтық жауапкершілік танытуына тілектестік білдірді.
Сонымен қатар іс-шара жас жүргізушілерді құқық бұзушылықтарға жол бермеуге ынталандыруға да бағытталды. Оларға алғыс айтылып, жол қозғалысы ережелерін міндетті түрде сақтау қажеттілігі түсіндіріліп, заң бұзушылықтардың жауапкершілікке әкелетіні ескертілді.
О. Орын.
