Жол қауіпсіздігі апталығы аясында Төлеби ауданында жол-көлік оқиғаларының алдын алу және құқықбұзушылықтарды анықтау мақсатында бірнүктелік рейдтік іс-шара ұйымдастырылды. Іс-шара барысында полиция қызметкерлері күндізгі және түнгі топтарға бөлініп, аудан аумағында 8 блок-бекет орнатып, жол қозғалысына қатысушыларды жаппай тексерді.
Тәртіп сақшылары жүргізушілердің құжаттарын, көліктің техникалық жағдайын, рөлге мас күйде отыру фактілерін және басқа да жол қауіпсіздігі талаптарының сақталуын бақылауға алды. Сонымен қатар рейд барысында бойынша әкімшілік құқықбұзушылықтар анықталып, кінәлі тұлғалар жауапкершілікке тартылды.
Төлеби ауданы полициясы жол қауіпсіздігін қамтамасыз ету бағытындағы шараларды алдағы күндері де жалғастыратынын хабарлап, барлық жүргізушілерді жол қозғалысы ережелерін қатаң сақтауға шақырады.
Түркістан облысы ПД баспасөз қызметі
