«Полицейлер кибералаяқтықтың алдын алу шараларын күшейтуде Мақтаарал аудандық полиция бөлімінің қызметкерлері кибер алаяқтықтың алдын алу мақсатында аудан аумағындағы кафе, сауда және қызмет көрсету нысандарында профилактикалық түсіндіру жұмыстарын жүргізді» деп хабарлайды Түркістан облысы ПД баспасөз қызметі.
Тұрғындар мен кәсіпкерлерге интернет-алаяқтардың айла-тәсілдері, банк карталарына қатысты қауіптер және күмәнді сілтемелерден сақтану жолдары түсіндірілді.
Іс-шара барысында 100-ден астам ескертпе парақшалар таратылып, азаматтарға жеке деректерді қорғау және алаяқтыққа тап болған жағдайда полицияға жүгіну қажеттігі ескертілді.
Полиция киберқылмыстың алдын алу бағытындағы жұмыстарды тұрақты түрде жалғастырады.
habarlike.kz
