Кентау қаласы Полиция бөлімінде қызметкерлердің жасөспірім балалары арасында «Менің әкем, анам – мақтанышым» тақырыбында сурет салудан шығармашылық байқау ұйымдастырылды. Байқаудың мақсаты – балалардың бойында отбасылық құндылықтарды, ата-анаға деген құрмет пен мақтаныш сезімін қалыптастыру және шығармашылық қабілеттерін дамыту.
Іс-шараға полиция бөлімінің бастығы Шералы Әділханұлы, ардагер Бимахан Танкибаев пен жеке құраммен жұмыс жөніндегі орынбасары Сапархан Апашов қатысып, жас өнерпаздардың еңбегіне жоғары баға берді. Қатысушылар ата-аналарына деген сүйіспеншілігін сурет арқылы әсерлі жеткізді.
Шара соңында барлық балаларға алғыс айтылып, ақ тілектер жолданды. Мұндай тәрбиелік мәні зор іс-шаралар жасөспірімдердің отансүйгіштік рухын арттыруға ықпал етеді.
Түркістан облысы ПД баспасөз қызметі
