Түркістан қаласында Ж.Еділбаев атындағы №18 мектеп-гимназиясында «Нашақорлыққа жол жоқ!» тақырыбында 8-9-10 сынып оқушылары арасында жиналыс болды. Онда Түркістан облысы Полиция департамаенті Есірткі құқықбұзушылығының профилактикасы жөніндегі кеңестің мүшесі Еділ Төлегенов, Есірткі қылмысына қарсы іс-қимыл басқармасының аса маңызды істер жөніндегі аға жедел уәкілі Марат Бимаханов пен Түркістан ҚПБ-ның аға учаскелік полиция майоры Керім Қапашов баяндама жасап, жас ұрпақтың болашағына келешекте балта шаппау үшін, тура жолмен жүру керектігін айтып өтті.
Қазіргі таңда есірткі мен нашақорлықтың жаңа түрлері мен жаңаша сипаттары пайда болуда. Заман ағымына қарай, химиялық қоспалардан және прекурсолардан жасалатын «синтетикалық есірткелер» түрлері еселеп көбеюде.
Осы тұста тәртіп сақшылары құқықтық сауаттылыққа жол ашып, есірткінің зияны туралы түсіндіру жұмыстарын жүргізді. Жиын соңында «Жолдасың жақсы болса –жетерсің талай мұратқа» — дегендей жасөспірімдерді жақсы, үлгілі оқушы болауға шақырды.
Түркістан облысы ПД баспасөз қызметі
