Қазақстан халқы Ассамблеясынаң 30 жылдығы мен 25 қазан Республика күніне орай аудандық ұйғыр этномәдени бірлестігінің ұйымдастыруымен «Бірлігі жарасқан Қазақстан» атты тақырыпта жастар арасында спорттың волейбол түрінен аудандық турнир өтті.
Іс-шараға Сарыағаш аудандық мәдениет, тілдерді дамыту, денешынықтыру және спорт бөлімінің басшысы, орынбасары, ұйғыр этномәдени орталықтардың өкілдері мен «Қоғамдық келісім» КММ-нің Сарыағаш аудандық филиалы қызметкерлері мен жастар қатысты.
Іс-шара мақсаты: көпэтносты Қазақстан Республикасындағы халықтар достығы – еліміздегі бірліктің кепілі екендігін таныту. Жастардың Отанға, туған жерге деген сүйіспеншілігін арттыру. Еліміздегі көптеген этнос өкілдерімен бауырластық, туыстық, ынтымақтастық, бейбітшілік қарым-қатынастар орнатудың маңызын түсіндіру.
Сонымен, турнир нәтижесінде барлық қарсыластарынан басым түскен командаларға жүлделі орындарға Дипломдар мен естелік сыйлықтар табыс етілді.
А. Сайын.
