Жетісай аудандық полиция бөлімінің қызметкерлері №1 М.Горький атындағы мектеп-гимназиясында «Жас сақшы» сыныптарының саптық қарауын өткізді.
Іс-шара барысында оқушылардың нақты саны тексеріліп, формалық киім үлгісінің бар-жоғы және оның талаптарға сәйкестігі (айырым белгілері, шеврондар, погоны, кокарда) назардан тыс қалмады.
Сонымен қатар полиция қызметкерлері оқушыларға формалық киімді дұрыс кию тәртібі туралы түсіндіру жұмыстарын жүргізіп, тәртіп пен жауапкершіліктің, ұйымшылдық пен ұқыптылықтың маңыздылығына тоқталды.
Мұндай шаралар жасөспірімдердің құқықтық сауаттылығын арттыруға, тәртіпке баулуға және патриоттық рухты қалыптастыруға бағытталған.
Түркістан облысы ПД баспасөз қызметі