Арыс аудандық полиция бөлімінің қызметкерлері жастар арасында нашақорлықтың алдын алу, салауатты өмір салтын насихаттау және есірткіге теріс көзқарас қалыптастыру мақсатында аудан аумағындағы оқу орындарының оқушыларымен кездесу өткізді.
Шарада полицейлер қатысушыларға есірткі және психотроптық заттарды қолданудың адам ағзасына тигізетін зияны туралы түсіндіріп, заңсыз сақтау мен өткізудің құқықтық салдарын жан-жақты баяндады. Сондай-ақ «синтетикалық» есірткі түрлерінің таралу қаупі мен оның ауыр зардаптары туралы айтылды.
Сонымен қатар оқушылар нашақорлықтың адам өміріне қауіптілігі туралы бейнероликтерді тамашалап, зиянды әдеттерден аулақ болудың маңыздылығын түсінді. Жастар өз ойларын білдіріп, нашақорлықты қоғамға үлкен қауіп төндіретін індет деп атап өтті.
Шара соңында полицейлер оқушылардың қойған сұрақтарына жауап беріп, пайдалы кеңестермен бөлісті. Сонымен қоса жастарды бос уақыттарын тиімді өткізуге, спортпен айналысып, салауатты өмір салтын ұстануға шақырды.
Түркістан облысы ПД баспасөз қызметі
