Сайрам ауданындағы жас сақшылар сыныбының оқушыларын полиция қызметкері тексерді. Іс-шараның мақсаты – оқушылардың тәртіпке бағынуын, сыртқы келбетін, форманың талапқа сай болуын бақылап, патриоттық рух пен жауапкершілік сезімін қалыптастырады. Бұл туралы Түркістан облысы ПД баспасөз қызметі хабарлады.
Саптық тексеру барысында жас сақшылардың сапқа тұру дағдылары, нұсқаулықтарды тыңдау тәртібі мен өздерін ұстау мәдениеті назарға алынды. Сонымен қатар полиция қызметкері оқушыларға қызмет тәртібі, ішкі істер органдары қызметінің ерекшелігі туралы түсіндірме жұмыстарын жүргізді.
Мұндай шаралар жасөспірімдердің бойында тәртіп пен тәртіпке бағыну мәдениетін қалыптастырып, болашақта құқық қорғау саласына қызығушылықтарын арттыруға ықпал етеді.
