Төлеби ауданы прокуратурасымен «Прокурорлық сүзгі» жобасы және инвесторларды құқықтық сүйемелдеу жұмыстары қарқынды жүзеге асырылуда.
Кезекті кездесуде алдыңғы жиынның нәтижесі бойынша жолданған хаттамалық тапсырмалардың орындалуы сараланды. Оң нәтиже де бар: Инвесторлардың ұлттық пулында тұрған бір кәсіпкердің құқығы толық қорғалды.
Сонымен қатар, жиынға қатысушыларға Мемлекет басшысының Жарлығымен құрылған Инвесторлардың құқықтарын қорғау комитетінің өкілеттіктері мен жаңа мүмкіндіктері кеңінен түсіндірілді. Кездесу соңында инвесторлардың өзекті мәселелері талқыланып, жергілікті атқарушы органдарға нақты тапсырмалар жолданды.
