Шардара аудандық полиция бөлімі аудандық пробация қызметімен және өзге де мүдделі мекемелермен бірлесе отырып, «Заң және Тәртіп» тұжырымдамасы аясында қоғамдық қауіпсіздікті қамтамасыз ету, құқық бұзушылықтың алдын алу мен бас бостандығынан айыру орындарынан босатылған азаматтардың қоғамға бейімделуіне жәрдемдесу мақсатында «Жаңа жол» акциясын өткізуде.
Ағымдағы жылдың 6 қазанынан 6 қарашасына дейін жалғасатын акция шеңберінде есепте тұрған азаматтарға құқық бұзушылықтың салдары мен заң талаптарын сақтау маңыздылығы түсіндіріліп, қоғамға қайта бейімделу жолдары жөнінде кеңес берілді.
Кездесу барысында тұрақты жұмысқа орналасу, әлеуметтік байланыстарды нығайту және салауатты өмір салтын ұстану тақырыптары талқыланды. Сонымен қатар акция аясында спорттық іс-шаралар ұйымдастырылып, қатысушылар белсенділік танытты.
Түркістан облысы ПД баспасөз қызметі
