«Кентау қалалық полиция бөлімінің инспекторы М.Құттыбаеваның ұйымдастыруымен «Гуманитарлық және техникалық колледжінде» студенттерге арналған «Тұрмыстық зорлық-зомбылыққа жол жоқ» тақырыбында семинар-тренинг өткізілді» деп хабарлайды Түркістан облысы ПД баспасөз қызметі. Акция аясындағы іс-шаралар қала жастарының құқықтық сауаттылығын арттыруға, зорлық-зомбылықтың кез келген түріне қарсы иммунитет қалыптастыруға және қауіпсіз қоғам құруға бағытталған.
Шараға қаланың бірқатар мемлекеттік және қоғамдық ұйымдарының мамандары қатысты. Олар өз тарапынан зорлық-зомбылықтың алдын алу, оның психологиялық, медициналық және әлеуметтік аспектілері жөнінде түсіндіру жұмыстарын жүргізіп, студенттерге пайдалы ақпараттар ұсынды.
Семинар барысында қатысушыларға ақпараттық бейнероликтер көрсетіліп, арнайы дайындалған брошюралар таратылды.
Р. Райыс.
