Мақтаарал аудандық полиция бөлімінің бастамасымен және Ішкі саясат бөлімінің қолдауымен Республика күні мен Мемлекеттік егемендік туралы декларацияның 35 жылдығына арналған мерекелік іс-шаралар ұйымдастырылды. Шара Мырзакент кентіндегі орталық саябақ алаңында және Ішкі саясат бөлімінің ғимаратында өтті. Мерекелік жиынға ауданның белсенді азаматтары, жастар және полиция қызметкерлері қатысты. Бұл туралы Түркістан облысы ПД баспасөз қызметі хабарлады.
Шара барысында Қазақстан Республикасының Мемлекеттік Гимні шырқалып, көк Туымыз биікке көтерілді. Сондай-ақ қатысушыларға «Нашақорлыққа жол жоқ» атты фильмдер көрсетіліп, шара шерумен жалғасын тапты. Мереке күні аудан жастарының қатысуымен Жастар орталығында концерттік бағдарлама ұйымдастырылды.
Салтанатты жиында аудан әкімінің атынан: Ішкі саясат бөлімінің басшысы — Мадияр Асанұлы Бабашев, мәслихат депутаты — Жанболат Жақсылықұлы Саттаров, полиция бөлімінің бастығы — Ердәулет Дарханұлы Амантаев жеке құрам қызметкерлері мен ардагерлерге құттықтау сөздерін айтып, Алғыс хаттар табыс етті. Жиын соңында аудандық өнерпаздар концерттік бағдарлама ұсынып, көрерменге мерекелік көңіл-күй сыйлады.
