2025 жылғы 25 қазан күні Сарыағаш аудандық полиция басқармасының мәжіліс залында Республика күніне арналған салтанатты іс-шара өтті. Мерекелік жиынға Сарыағаш аудандық полиция басқармасының бастығы, полиция полковнигі Есенғали Бейсебаев, сондай-ақ басқарма қызметкерлері мен ардагерлер қатысты.
Іс-шара барысында мемлекеттік қызметте адал еңбегімен ерекшеленген қызметкерлер мен ардагерлер аудандық деңгейдегі грамоталары және алғыс хаттармен марапатталды.
Мерекелік бағдарлама аясында концерттік қойылымдар ұйымдастырылып, отандық және патриоттық әндер шырқалды. Шара қатысушылары көтеріңкі көңіл-күй мен елдік рухқа толы әсерлі сәттерге куә болды.
Түркістан облысы ПД баспасөз қызметі
