Сарыағаш ауданының полицейлері М.В. Ломоносов атындағы жалпы орта мектептің мұғалімдеріне интернет алаяқтық пен зорлық-зомбылықтың алдын алу бойынша кездесу өткізді деп хабарлайды habarlike.kz Түркістан облысы ПД баспасөз қызметіне сілтеме жасап.
Шараның мақсаты – қоғамда құқық бұзушылықтың алдын алу, азаматтардың құқықтық сауаттылығын арттыру және мектеп ұжымымен тығыз өзара іс-қимыл орнату.
Кездесуге мектептің 50-ге жуық мұғалімдері қатысты. Шара барысында құқық қорғау органдарының өкілдері интернет алаяқтық, тұрмыстық зорлық-зомбылық, буллинг және басқа да құқық бұзушылықтардың алдын алу тақырыбында түсіндірме жұмыстарын жүргізді.
Полиция қызметкерлері мұғалімдерге интернет кеңістігінде қауіпсіздік шараларын сақтау, күмәнді сілтемелер мен хабарламаларға сенбеу, балалар мен жасөспірімдерге киберқауіпсіздік мәдениетін үйрету жөнінде кеңес берді. Сонымен қатар, зорлық-зомбылық пен буллинг жағдайларын дер кезінде анықтау және тиісті органдарға хабарлау маңыздылығы айтылды.
