«Мақтаарал ауданының Атакент кентінде орналасқан 14 колледжде аудандық полиция бөлімінің қызметкерлері студенттермен «Интернет алаяқтықтан сақ болайық!» тақырыбында кездесу өткізді» деп хабарлайды
Түркістан облысы ПД баспасөз қызметі.
Кездесу барысында тәртіп сақшылары жастарға интернет арқылы жасалатын алаяқтық түрлері, олардың алдын алу тәсілдері мен жеке деректердің қауіпсіздігін қамтамасыз етудің маңызы жөнінде кеңінен түсіндірді.
Сондай-ақ күмәнді сілтемелерге өтпеу және бейтаныс адамдарға жеке мәліметтерді бермеу қажеттігі ерекше атап өтілді. Шараның негізгі мақсаты – жастар арасында киберқауіпсіздік мәдениетін қалыптастыру, интернеттегі алаяқтық әрекеттердің алдын алу және құқықтық сауаттылықты арттыру болып табылады.
