Түркістан қаласындағы “Оқушылар сарайында” қалалық полиция басқармасының 2025 жылдың 9 айындағы жедел-қызметтік жұмысының қорытынды жиыны өтті. Жиынға басқарма басшылығы, бөлім және бөлімше жетекшілері, жеке құрам өкілдері қатысты.
Басқосу барысында қылмыстың алдын алу, қоғамдық тәртіп пен азаматтардың қауіпсіздігін қамтамасыз ету бағытында атқарылған жұмыстар талқыланды. Сондай-ақ тәртіп пен заңдылықты сақтау, қызметтік этика және азаматтармен қарым-қатынас мәдениетін арттыру мәселелеріне ерекше көңіл бөлінді.
Қорытынды сөзінде басқарма бастығының міндетін атқарушы Ербол Оралбаев бірқатар кемшіліктерге назар аударып, учаскелік инспекторлардың жұмысын күшейтуді, сыбайлас жемқорлықтың алдын алу және жеке құраммен жұмысты жетілдіру бойынша нақты тапсырмалар берді.
Түркістан облысы ПД баспасөз қызметі
