“Учаске” жедел-профилактикалық іс-шарасы барысында Ішкі істер министрінің бұйрығына сәйкес сағат 20:00-ден таңғы 06:00-ге дейін рейдтік іс-шаралар ұйымдастырылуда.
Шара аясында Бәйдібек ауданы аумағында орналасқан ойын-сауық орталықтары мен мейрамханаларда, сондай-ақ ойын клубтарында тексеру жұмыстары жүргізілді.
Қоғамдық қауіпсіздік бөлімінің қызметкерлері түнгі уақытта 4 ойын клубы мен 20-ға жуық ойын алаңын тексеріп шықты. Нәтижесінде түнгі уақытта заңды өкілінсіз жүрген 4 жасөспірім анықталып, олардың ата-аналарына қатысты әкімшілік шара қабылданды.
Жасөспірімдермен жасалатын құқық бұзушылық пен қылмыстың алдын алу мақсатында ойынханалар мен көшелерде рейдтік жұмыстар жалғасуда.
Түркістан облысы ПД баспасөз қызметі
