«Қауіпсіз балалық шақ» жобасы аясында Мақтаарал аудандық полиция бөлімінің учаскелік инспекторлары №9 А.Байтұрсынов атындағы білім беру мекемесінде оқушылармен кездесу өткізді.
Онда оқушыларға буллингтен қорғану, құқықбұзушылықтың алдын алу, сондай-ақ нашақорлық пен лудоманияның зияны туралы түсіндіру жұмыстары жүргізілді.
Сонымен бірге жол қауіпсіздігі ережелері түсіндіріліп, білім беру ұйымдарында құқық бұзушылықтың алдын алу бағытында атқарылып жатқан жұмыстар талқыланды.
Кездесу соңында оқушыларға арнайы дайындалған бейнероликтер көрсетіліп, профилактикалық ақпарат берілді.
Түркістан облысы ПД баспасөз қызметі
