Қазығұрт ауданы прокуратурасының ұйымдастыруымен пробациялық есепте тұрған сотталғандармен ашық есік күні өткізілді.
Іс-шараның негізгі мақсаты – пробациялық бақылауда тұрған тұлғалардың құқықтық сауаттылығын арттыру, олардың қоғамға бейімделуіне және қайта әлеуметтенуіне қолдау көрсету болды.
Шараға аудан прокуратурасының, пробация қызметінің, жұмыспен қамту және әлеуметтік бағдарламалар бөлімінің, сондай-ақ денсаулық сақтау және білім беру ұйымдарының өкілдері қатысты. Қатысушылар сотталған азаматтарға еңбекке орналастыру, әлеуметтік көмек көрсету, білім алу және құқықтық кеңес беру бағытында түсіндіру жұмыстарын жүргізді.
Ашық есік күні барысында пробациялық есепте тұрған тұлғалар өздерін толғандырған сұрақтарын қойып, тиісті мамандардан нақты жауаптар мен кеңестер алды. Мұндай шаралар олардың құқықтық мәдениетін арттыруға және қоғамға қайта оралуына оң әсер етеді.
П.АСАН.
