Қазығұрт ауданында мемлекетке қайтарылған активтер есебінен ауыз сумен жабдықтаудың жаңа жүйелері іске қосылды.
«Заң мен Тәртіп» тұжырымдамасын іске асыру аясында Түркістан облысы Қазығұрт ауданы, Атажұрт ауылында орталықтандырылған жаңа ауызсу жүйесі іске қосылды.
Нысанның құрылысы мемлекетке прокуратура органдары арқылы қайтарылған активтер есебінен қаржыландырылды.
Салтанатты ашылу рәсіміне аудан аудан прокуроры Р.Абдраимов, әкімі А.Исмаилов және ауыл тұрғындары мен қоғам өкілдері қатысты.
Аудан прокуроры Руслан Абдраимов ауыл тұрғындарын жаңа су құбыры желісінің аяқталуымен құттықтап, бұл тек бір нысанның іске қосылуы ғана емес, ауыл тұрғындарының өмір сүру сапасын арттыруға бағытталған маңызды қадам екенін атап өтті.
Орталықтандырылған су жүйесінің іске қосылуы Атажұрт ауылындағы 1000-нан астам тұрғынды сапалы ауызсумен қамтамасыз етіп, жайлы өмір сүру жағдайларын жасайды және өңірдің әлеуметтік-экономикалық дамуына оң әсерін тигізеді.
П.Сары.
