Сайрам ауданы прокуратурасының бастамасымен “Кәмелетке толмағандар арасында аутодеструктивті мінез-құлықтың алдын алу” тақырыбында ұйымдастырылған ғылыми-тәжірибелік семинар жалғасын тапты. Іс-шара Дүниежүзілік денсаулық сақтау ұйымының қатысуымен Шымкент қаласында пленарлық отырыспен өтті.
Отырыста аудан прокуратурасы, Түркістан облысының Білім беру және Денсаулық сақтау басқармаларының өкілдері, білім беру ұйымдарының басшылары, мектеп психологтары мен әлеуметтік педагогтар қатысты.
Қатысушылар кәмелетке толмағандар арасындағы, әсіресе ауылдық елді мекендерде кездесетін суицидтің алдын алу бойынша тәжірибе алмасып, практикалық ұсыныстарын ортаға салды.
Аталған бағыттағы жұмыстар жалғасуда.
М. Базар.
